Aǵymdaǵy jylǵy birinshi toqsanda qurylystaǵy baǵalar 0,9 paıyzǵa ósti
ASTANA. 9 sáýir. QazAqparat - 2013 jylǵy naýryzda ótken jylǵy jeltoqsanmen salystyrǵanda qurylystaǵy baǵalar 0,9%, qurylys-montaj jumystaryna 0,8%, mashınalar men jabdyqtarǵa - 1%, ózge de jumystar men shyǵyndarǵa - 1,3%-ǵa ósti.
«Lamınat jáne taýarlyq betonnyń baǵasy 0,6%-dan, qysh taqtaıshalar men taqtalar - 0,5%, plastmassalardan jasalǵan esikter, terezeler - 0,4%, tabaqty shyny jáne sóndirilmegen ák - 0,3%-dan, jabyn parket - 0,2%-ǵa ósti»,-delingen QR Statıstıka agenttiginiń málimetterinde.
Qurylys metall konstrýktsııalary 3,5%, jabyn jáne qyrly taqtalar - 1,1%, ystyqtaı ılektelgen armatýralyq bolat - 0,9%, negizgi qara metaldar - 0,6%, bolattan jasalǵan ashyq profılder - 0,4%, betonnan, ǵanyshtan jáne tsementten jasalǵan buıymdar - 0,3%, joldarǵa arnalǵan asfaltbeton qospalar baǵasy - 0,2%-ǵa arzandady.
