Aǵymdaǵy jylǵy basty mindet - ekonomıkadaǵy turaqty ósimdi qamtamasyz etý - Úkimet basshysy
ASTANA. Mamyrdyń 11-i. QazAqparat /Ernur Aqanbaı/ - Qazirgi tańda qol jetkizilgen ekonomıkadaǵy turaqty ósimdi ustap turýdy qamtamasyz etý aǵymdaǵy jylǵy basty mindet bolyp tabylady. Búgin selektor formatyndaǵy Úkimet otyrysynda Premer-Mınıstr Kárim Másimov osylaı málimdedi,
dep habarlaıdy QazAqparat.
«Biz 2009 jyldy táp-táýir nátıjelermen aıaqtadyq. Endigi jańa mindet - oń nátıjeler azdyq etedi, biz ekonomıkada qol jetkizilgen turaqty ósimdi qamtamasyz etýimiz qajet. Turaqty ósim - 7 paıyz. Osy tsıfrdyń tóńireginde jumys istep, qosymsha rezervterdi taýyp, jumyldyrýymyz kerek», dedi Premer-Mınıstr.
Osy oraıda Úkimet basshysy birinshi jarty jyldyqta jáne jyl qorytyndysy boıynsha Іshki jalpy ónimniń qazirgi qol jetkizilgen deńgeıin ustap turý úshin Ekonomıkalyq damý jáne saýda mınıstrligine tarta túsýdi qajet etetin bazalyq kórsetkishterdi qaraýdy tapsyrdy.
Aıta keteıik, búgingi otyrysta Úkimet basshysy 2010 jyldyń alǵashqy 4 aıynda Іshki jalpy ónimniń ósimi 7,6 paıyzdy quraǵanyn atap kórsetti. «Maǵan búgin tańerteń Statıstıka agenttigi alǵashqy 4 aıdyń nátıjesin baıandady. Olar aıtarlyqtaı kóńil qýantady. Alǵashqy 4 aıda ishki jalpy ónim aldyn ala derek boıynsha, 7,6 paıyzdy qurady», dedi Premer-Mınıstr. Úkimet basshysynyń pikirinshe, bul is júzinde táýir nátıje bolyp tabylady.
