Aǵymdaǵy jylǵy aýyl sharýashylyǵy ónimderiniń qorytyndysy - Statıstıka
ASTANA. 29 jeltoqsan. QazAqparat - Aǵymdaǵy jyly elimizde óńdelgennen keıingi salmaqta 12,2 mln. tonna dándi jáne burshaq daqyldary jınaldy, olardyń 79,1 paıyzyn bıdaı quraıdy. Bul aqparatty elimizdiń Statıstıka agenttigi taratyp otyr.
Dándi daqyldardyń basym bóligi Soltústik Qazaqstan (jalpy túsimniń 30,6 paıyzy), Qostanaı (24,9 paıyz) jáne Aqmola (17,6 paıyz) oblystarynda alynǵan.
Al kartoptyń jáne ashyq topyraqta ósirilgen kókónisterdiń mol túsimi Almaty oblysynda (respýblıkalyq kólemnen tıisinshe 22,9 jáne 25,5 paıyz), kúnbaǵys - Shyǵys Qazaqstan oblysynda (57,6 paıyz) jınaldy.
Barlyq dándi jáne burshaq daqyldardyń úshten eki bóligine jýyǵyn aýyl sharýashylyǵy kásiporyndary ósirip, jınap otyr. Maıly daqyldar túsiminiń jartysynan astamyn sharýa (fermer) qojalyqtary, al kartop túsiminiń tórtten úsh bóligine jýyǵyn turǵyndar sharýashylyqtary jınady.
