Aǵymdaǵy jylǵy astyq túsimi 14,5-15,5 mıllıon tonna bolady dep boljanýda - Aýyl sharýashylyǵy mınıstrligi
ASTANA. Shildeniń 8-i. QazAqparat /Marlan Jıembaı/ - Aýyl sharýashylyǵy mınıstrligi aǵymdaǵy jylǵy astyq túsimi 14,5-15,5 mıllıon tonna bolady dep boljaýda. Bul týraly búgin elordada ótken baspasóz máslıhaty barysynda atalǵan vedomstvonyń vıtse-mınıstri Arman Evnıev aıtty.
Ótken jyly elimizde rekordtyq astyq jınalǵandyǵyn atap ótken ol «jyl saıyn rekord astyq jınala bermeıdi. Degenmen, meniń oıymsha 14,5-15,5 mıllıon tonna aralyǵyndaǵy dálizde astyq jınaımyz», dedi. Sonymen qatar vıtse-mınıstrdiń atap ótýinshe, álemdegi iri astyq eksporttaýshylardyń ondyǵyna kiretin Qazaqstan bıyl syrtqy naryqqa 6,5 mıllıon tonna astyq shyǵaratyn bolady. «Sońǵy jyldary jylyna shamamen 6,5 mln. tonna astyq eksporttaımyz. Menińshe, astyq eksporty bul kórsetkishten tómen bolmaıdy dep boljaýǵa tolyq negiz bar», dedi A.Evnıev.
Onyń málim etýinshe, aǵymdaǵy marketıng jylynda Qazaqstan 8,3 mıllıon tonna astyq pen un eksporttady. Bul ótken jylǵy kórsetkishten 36 paıyzǵa artyq. Sonymen qatar ótken jylǵy astyqtyń qaldyǵy 8,6 mıllıon tonnany qurap otyr. «6 mln. tonna astyqtyń basym bóligi elevatorlarda, al 2,6 mln tonna aýyl sharýashylyǵy ónimderin óndirýshilerdiń qolynda», dep naqtylaı tústi vıtse-mınıstr.
