Aǵymdaǵy jylǵy álem chempıonatynda Qazaqstan namysyn qorǵaıtyn 10 tennısshi belgili boldy
ASTANA. 22 qańtar. QazAqparat - Elordalyq 2 sportshy aǵymdaǵy jyly ústel tennısinen ótetin álem chempıonatyna qatysatyn boldy,
dep habarlady Astana qalasynyń týrızm, dene tárbıesi jáne sport basqarmasynyń baspasóz qyzmetinen.
Vedomstvonyń atap ótýinshe, keshe Almatyda ústel tennısinen biliktilik týrnıri ótip, onda álem chempıonatyna qatysatyn ulttyq qurama sapy jasaqtalǵan.
Qurama sapyna týrnırde alǵashqy 5 orynǵa taban tiregen sportshylar iriktep alynǵan. Jarysqa elimizdiń oblystary men qalalarynan áıelder men men erler arasynda 16 qatysýshydan synǵa túsken.
Erler arasynda 16 jastaǵy astanalyq Kırıll Gerasımenko barlyq 15 kezdesýde jeńiske jetip, 30 upaı enshiledi. Al ekinshi orynǵa shyǵysqazaqstandyq Denıs Jelýdev, úshinshi orynǵa almatylyq Samat Beısenov taban tirese, sońǵy eki oryndy qostanaılyq Gaıb Danııarov pen almatylyq Tımýr Kelbuǵanov bólisti.
Qyzdar arasynda batysqazaqstandyq Natalıa Sladkova birinshi oryndy ıelense, odan keıingi satyǵa qaraǵandylyq ıÝlııa Gats jaıǵasty. Úzdik úshtikti batysqazaqstandyq Gúlmıra Hýseınova qorytyndylady. Sondaı-aq úzdik bestikke astanalyq Anastasııa Lavrova men qaraǵandylyq ıÝlııa Rıabova kirdi.
Osy on tennısshi 13 mamyrda Parıjde bastalatyn álem chempıonatyna daıyndalatyn bolady
