Aǵymdaǵy jylǵy 21 shildeden bastap sheteldik kompanııalardyń Qazaqstannan charterlik tasymaldaýdy júzege asyrýyna tyıym salynady
ASTANA. 12 shilde. QazAqparat - Aǵymdaǵy jylǵy 21 shildeden bastap sheteldik kompanııalardyń Qazaqstannan charterlik tasymaldaýdy júzege asyrýyna tyıym salynady. Bul shara jolaýshylarǵa áýekompanııalardyń sapaly jáne ýaqytyly qyzmet kórsetýine kepildik berýdi qamtamasyz etýge baǵyttalyp otyr. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Qazirgi ýaqytta Qazaqstan aýmaǵynda áýe tasymalyn júzege asyryp júrgen charterlik kompanııalar tikeleı týrıstik operatorlarmen qyzmet kórsetý týraly kelisimge otyrady da, reısterdiń keshiktirilýi, keıinge shegerilýi jóninen jolaýshylar aldynda eshqandaı jaýapkershilikti sezinbeıdi.
QR Kólik jáne kommýnıkatsııa mınıstrligi Azamattyq avıatsııa komıtetiniń tóraǵasy Beken Seıdahmetov: «Sheteldik kompanııalarǵa Qazaqstanǵa charterlik tasymaldaýdy júzege asyrýǵa ruqsat aǵymdaǵy jylǵy 21 shildege deıin ǵana beriledi. Biraq atalǵan reısterdi turaqty formatqa aýystyrý arqyly sheteldik kompanııalar ózderiniń qyzmetterin odan ári jalǵastyrýlaryna múmkindik alady. Bul úshin eki el arasyndaǵy áýe qatynasy júzege asyrylyp otyrǵan úkimetaralyq kelisimge ózgertýler engizý qajet», - dep atap ótti.
Bul jerde aıtyp ótý kerek, charterlik reıstermen salystyrǵanda turaqty áýe reısteriniń ushý kestesi eki eldiń avıatsııa ákimshiligimen kelisiledi, al olardyń oryndalýy úkimetaralyq kelisimmen aıqyndalady.
Túriktiń «Sky Airlines» áýekompanııasynyń aǵymdaǵy jyldyń maýsym aıynda bankrotqa ushyraýy nátıjesinde qazaqstandyq týrısterdiń satyp alǵan bıletteri boıynsha der kezinde elge orala almaı qalǵandaryn esterińizge salyp ótkimiz keledi. Olardyń elge oralýy memlekettiń esebinen uıymdastyryldy. Osyǵan uqsas jaǵdaılar munyń aldyndaǵy jyldary da oryn alǵan bolatyn.
Sheteldik kompanııalardyń Qazaqstannan charterlik tasymaldaýdy júzege asyrýyna tyıym salýdy kózdeıtin «Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» QR Zańy aǵymdaǵy jylǵy 21 shildede kúshine enedi.
