Aǵymdaǵy jylǵy 1 sáýirdegi málimetter boıynsha el halqynyń sany 16,5 mıllıon adamdy qurady - Statıstıka
ASTANA. 17 mamyr. QazAqparat - Aǵymdaǵy jylǵy 1 sáýirdegi málimetter boıynsha el halqynyń sany 16,5 mıllıon adamdy qurady, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, aǵymdaǵy jylǵy 1 qańtarmen salystyrǵanda respýblıka halqynyń sany 0,3 paıyzǵa ósken. Halyq sanynyń eń joǵary ósimi Astana (10542 adam), Almaty (18957 adam) qalalarynda jáne Ońtústik Qazaqstan oblysynda (12212 adam) tirkelgen. Al kemýi Shyǵys Qazaqstan oblysynda (1075 adamǵa kem) baıqalǵan.
Mańǵystaý oblysynda, Astana men Almaty qalalarynda halyq sanynyń kóbeıýi tabıǵı ósimmen qatar kóshi-qon esebinen oryn aldy. Al Ońtústik Qazaqstan, Almaty, Qyzylorda, Atyraý, Aqtóbe, Jambyl, Qaraǵandy jáne Pavlodar oblystarynda tabıǵı ósim esebinen kóbeıdi. Shyǵys Qazaqstan, Qostanaı jáne Aqmola oblystarynda halyqtyń tabıǵı ósiminiń tómendiginen adam sanynyń kemýi baıqalady. Atalǵan óńirlerdegi kóshi-qonnyń tómendeýi de halyq sanynyń azaıýyna áserin tıgizýde. Al Soltústik Qazaqstan oblysynda tabıǵı ósimniń kemýi baıqalýda.
