Aǵymdaǵy jyldyń sońyna deıin barlyq ruqsattardy berýdi avtomattandyrý aıaqtalady - Úkimet
ASTANA. QazAqparat - Ulttyq kásipkerler palatasymen birlesip, búkil zańnamaǵa tekserý júrgizildi. Bul týraly Astanada «Qazaqstan-2050» demokratııalyq kúshterdiń jalpyulttyq koalıtsııasynyń otyrysynda Úkimet basshysynyń birinshi orynbasary Baqytjan Saǵyntaev málim etti.
«Ruqsat berý júıesin túbegeıli jeńildetetin «Ruqsattar men habarlamalar týraly» Zań qabyldandy. Bıznes júrgizý úshin ruqsattardyń biryńǵaı tizbesi bekitildi. Endi kez kelgen jańa ruqsat osy zańǵa ózgerister engizý arqyly ǵana paıda bolady. Al bastamashy memlekettik organdar jańa ruqsatty engizý úshin onyń retteýshilik yqpalyn qoǵamdyq talqyǵa shyǵarýy tıis. Aǵymdaǵy jyldyń sońyna deıin barlyq ruqsattardy berýdi avtomattandyrý aıaqtalatyn bolady. Belgilengen merzimde avtomattandyrylmaǵan ruqsattar alynyp tastalady», - dedi Úkimet basshysynyń birinshi orynbasary.
Sonymen qatar ol lıtsenzııalar berý tolyǵymen avtomattandyrylǵanan eske salyp ótti.
«Ulttyq kásipkerler palatasymen birlesip, búkil zańnamaǵa tekserý júrgizildi jáne bıznesti damytýǵa kedergi jasaıtyn 240-tan astam ınerttik norma anyqtaldy», - dedi B.Saǵyntaev.
