Aǵymdaǵy jyldyń sońyna deıin 52 aýyl sýmen jabdyqtaýmen qamtylady - S. Nokın

ASTANA. 14 qarasha. QazAqparat - «Aq bulaq» memlekettik baǵdarlamasy aıasynda aǵymdaǵy jyldyń sońyna deıin 52 qazaqstandyq aýyl sýmen qamtylady, dep habarlady óńirlik damý vıtse-mınıstri Serik Nokın Primeminister.kz saıtyna bergen eksklıýzıvti suhbatynda.

«Aǵymdaǵy jyly sýmen jabdyqtaýdyń 126 nysanyn paıdalanýǵa berý arqyly 52 aýyldy sýmen qamtý josparlanyp otyr», -dedi S. Nokın.

Sonymen qatar, ol bıylǵy jyly baǵdarlamanyń 168 jobasy júzege asyrylatynyn, olardyń 67-si jańa qurylysqa, al 101-i jóndeý jumystaryn júrgizýge baǵyttalǵanyn málimdedi.

Barlyǵy, vıtse-mınıstrdiń málimetinshe, 2013 jyly sýmen jabdyqtaý men sý burýdyń 4176 km jelisin, onyń ishinde qalalarda 841 km jáne aýyldarda 3335 km salý jáne jóndeýden ótkizý josparlanǵan.

«Osylaısha, sýmen jabdyqtaý jelilerin jóndeýden ótkizý aıasynda 74 aýylda usynylatyn qyzmetterdiń sapasy jaqsartylady», - dep basyp aıtty ol.

2013 jyly barlyǵy «Aq bulaq» baǵdarlamasyn júzege asyrýǵa 113 mlrd teńge bólingen.