Aǵymdaǵy jyldyń sońyna deıin 28 ınsýlt ortalyǵyn ashý josparlanýda
ASTANA. 18 aqpan. QazAqparat - 2013 jyldyń sońyna deıin elimizdiń óńirlerinde 20 ınsýlt ortalyǵyn ashý josparlanyp otyr. Bul týraly búgin densaýlyq saqtaý salasynyń damýy men keleshek perspektıvalaryna arnalǵan Parlament Májilisindegi Úkimet saǵatynda málim boldy.
Baıandama jasaǵan Densaýlyq saqtaý mınıstri Salıdat Qaıyrbekovanyń aıtýynsha, búgingi kúni elimizdegi qan aınalymy júıesinen týyndaıtyn aýrýlar kórsetkishi jalpy aýrýlarǵa shaqqanda joǵary deńgeıde qalyp otyr. Sonymen qatar, halyq arasyndaǵy ólim-jitim kórsetkishinde de osy aýrý birinshi orynda.
«Osyǵan oraı sońǵy 3 jyldyń ishinde elimizdiń barlyq óńirlerinde 16 kardıohırýrgııalyq ortalyqtar men bólimder ashyldy. Aldyńǵy qatarly tehnologııalar engizý júzege asyp ta jatyr. Júrekke 20 myńnan astam ota jasaldy. Ótkir ınsýlt dertine shaldyqqan naýqastardy emdeý úshin óńirlerde halyqaralyq standarttarǵa saı 20 ınsýlt ortalyǵy ashyldy. Al aǵymdaǵy jyldyń sońyna deıin biz taǵy da 20 ortalyqty ashýdy josparlap otyrmyz», - dedi mınıstr.
