Aǵymdaǵy jyldyń shildesinde suraý salynǵan kásiporyndardyń iskerlik belsendiligi eleýli ózgergen joq

dep habarlady QR Statıstıka agenttiginiń baspasóz qyzmetinen.

Vedomstvonyń atap ótýinshe, ónerkásip kásiporyndarynyń basshylary aǵymdaǵy jylǵy shildede ótken aımen salystyrǵanda daıyn ónimge suranystyń kemýin jáne daıyn ónim qorlarynyń bolmashy ósýin atap ótken. Bul olardyń iskerlik belsendiliginiń tómendegenin aıǵaqtaıdy. Іskerlik belsendiliginiń ózgerýin sıpattaıtyn kásipkerliktiń senimdilik ındeksi 1 paıyzdyq tarmaqqa kemip, +15 paıyzdy qurady. Ónerkásip kásiporyndary basshylarynyń baǵalaýy boıynsha 2011 jyldyń qazanyna deıin iskerlik belsendiliktiń ósýi kútiledi.

Saýda kásiporyndary basshylarynyń baǵalaýy boıynsha, 2011 jylǵy shildede ótken aımen salystyrǵanda taýar aınalymynyń jáne taýar qorlarynyń ózgermeýi olardyń iskerlik belsendiligine áser etti. Kásipkerliktiń senimdilik ındeksi ózgergemedi jáne +5 paıyzdy qurady.

Saýda kásiporyndary basshylarynyń boljamdy baǵalaýy boıynsha 2011 jylǵy qazanǵa deıin olardyń iskerlik belsendiliginiń ósýi kútiledi.