Aǵymdaǵy jyldyń shilde-tamyz aılarynda Astanada ǵarysh apparattaryn shyǵaratyn zaýyttyń qurylysy bastalmaq
ASTANA. Sáýirdiń 8-i. QazAqparat /Marlan Jıembaı/ - Elordada ǵaryshtyq apparattar shyǵaratyn zaýyttyń qurylysyn bastaý aǵymdaǵy jyldyń shilde-tamyz aılaryna belgilenip otyr.
Bul týraly búgin «Ǵylym álemin ashamyz» atty VІ Halyqaralyq oqýshylar konferentsııasy barysynda baıandama jasaǵan «Qazaqstan ǵarysh sapary» Ulttyq kompanııasy» AQ vıtse-prezıdenti Marat Nurǵojın málim etti.
Onyń atap ótýinshe, Astana ákimdigi qazirgi ýaqytta áýejaıǵa taqaý jerden zaýytqa qajetti 30 gektar jerdi bólip te qoıypty. «Aǵymdaǵy jyldyń shilde-tamyz aılarynda biz qurylys jumystaryn bastaımyz. Qazannyń 6-ynda elimizge Frantsııa Prezıdenti Nıkolıa Sarkozı saparlaǵan kezde, bizdiń kompanııa Eýropadaǵy birinshi, al álemdegi ekinshi iri ǵaryshtyq apparattar shyǵaratyn «Astrium» kompanııasymen strategııalyq áriptestik týraly kelisimshartqa qol qoıǵan bolatyn», dedi ol óz sózinde.
