Aǵymdaǵy jyldyń sáýirinde Ulttyq qordyń aktıvteri 73 mlrd. AQSh dollaryn qurady - Úkimet otyrysy
ASTANA. 23 sáýir. QazAqparat - Aǵymdaǵy jyldyń 1 sáýirinde Ulttyq qordyń aktıvteri 73 mlrd. AQSh dollaryn qurady.
Bul týraly búgin Úkimettiń 2013 jyldyń birinshi toqsanyndaǵy áleýmettik-ekonomıkalyq damý qorytyndylaryna arnalǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«Ekonomıkanyń edáýir qarjylyq áleýeti quryldy. 2013 jylǵy 1 sáýirde Ulttyq qordyń aktıvteri 73 mlrd. AQSh dollaryn qurady jáne jyl basynan beri 5,2 paıyzǵa ósti»,-dedi E. Dosaev.
Mınıstrdiń atap ótýinshe, eksporttyq paıda túrindegi valıýta aǵymy tólem teńgerimi kórsetkishiniń oń máninde saqtalýyna septigin tıgizdi. Aǵymdaǵy operatsııalar shotynyń profıtsıti 2013 jyly 7,7 mlrd. AQSh dolaryn nemese jalpy ishki ónimniń 3,8 paıyzyn qurady.
