Aǵymdaǵy jyldyń ótken 7 aıynda turǵyn úılerdi satý-satyp alý boıynsha 83 127 kelisim jasaldy - brıfıng
ASTANA. 15 tamyz. QazAqparat /Gúlmıra Alıakparova/ - Aǵymdaǵy jyldyń ótken 7 aıynda Qazaqstanda turǵyn úılerdi satý-satyp alý boıynsha 83 127 kelisim jasaldy.
Bul týraly búgin ótken brıfıngte QR Statıstıka agenttiginiń tóraǵasy Álıhan Smaıylov habardar etti.
«2011 jyldyń qańtar-shildesinde turǵyn úılerdi satý-satyp alý boıynsha jasalǵan kelisimderdiń sany 83 127-ni qurap, ótken jyldyń sáıkes kezeńine qaraǵanda 12,1 paıyzǵa artty. ıAǵnı, turǵyn úı naryǵy jandana bastady. 7 aıdyń kórsetkishi boıynsha (red. - ótken jylmen salystyrǵanda) satý-satyp alý kelisimderdiń sany Astana qalasynda - 5 paıyzǵa, Almaty qalasynda - 0,2 paıyzǵa ósti», - dep atap ótti ol.
Statıstıkaǵa súıensek, 2011 jyldyń shildesinde respýblıkada jyljymaıtyn múlikti satý-satyp alý boıynsha barlyǵy 13 672 kelisim jasalǵan. Bul aldyńǵy aımen salystyrǵanda 5,3 paıyzǵa az. Baspanany alyp-satýmen eń kóp aınalysqan Almaty qalasynyń turǵyndary boldy - 1786, odan keıingi orynda Shyǵys Qazaqstan oblysy (1 681), Qaraǵandy oblysy (1 615), Ońtústik Qazaqstan oblysy (1 353), Almaty oblysy (1 160), Qostanaı oblysy (807), Astana qalasy (772) tur.
