Aǵymdaǵy jyldyń naýryzynda bankterdiń ekonomıkaǵa nesıe salý kólemi 1,2 paıyzǵa artty - G.Marchenko
ALMATY. 17 mamyr. QazAqparat - Aǵymdaǵy jyldyń naýryzynda bankterdiń ekonomıkaǵa nesıe salý jalpy kólemi 1,2 paıyzǵa artyp, 10118,2 mlrd. teńgeni qurady.
Bul týraly búgin Almatyda baspasóz máslıhatyn ótkizgen QR Ulttyq bankiniń tóraǵasy Grıgorıı Marchenko málim etti.
Ulttyq valıýtadaǵy kredıt kólemi 1,6 paıyzǵa artyp, 7262,6 mlrd. teńgege jetti. Al shetel valıýtasynda nesıe kólemi ózgerissiz qalyp 2 855,6 mlrd. teńgeni qurady. Nesıelerdiń menshikti salmaǵy aı ishinde 71,4-ten 71,8 paıyzǵa deıin artty.
Aǵymdaǵy jyly uzaqmerzimdi kredıtteý de 1,2 paıyzǵa ósip, 8 172,1 mlrd. teńgeni, al qysqa merzimdi nesıeler 0,8 paıyzǵa artyp, 1 946,2 mlrd. teńgeni qurady. Uzaqmerzimdi nesıelerdiń menshikti salmaǵy bir aıda 80,7-den 80,8 paıyzǵa deıin ósti.
Zańdy tulǵalar nesıeleriniń kólemi 1 paıyzǵa kóbeıip, 7 152,4 mlrd. teńgege deıin artsa, jeke tulǵalardyń kredıtteri 1,6 paıyzǵa ulǵaıyp, 2 965,8 mlrd. teńgege jýyqtady. Jeke tulǵalar nesıesiniń menshikti salmaǵy bir aıda 29,2 paıyzdan 29,3 paıyzǵa deıin kóterildi.
Shaǵyn kásipkerlik sýbektilerin nesıeleý 0,3 paıyzǵa tómendedi.
