Aǵymdaǵy jyldyń qyrkúıek aıynda elimizden eksporttalatyn taýarlar 2,6 paıyzǵa ósti
ASTANA. 17 qarasha. QazAqparat - Aǵymdaǵy jyldyń qyrkúıek aıynda elimizden eksporttalatyn taýarlar tamyz aıymen salystyrǵanda 2,6 paıyzǵa ósip,
ımporttalatyn taýarlar quny 1,5 paıyzǵa arzandady.
Statıstıka agenttigi taratqan málimetterge qaraǵanda, kómir eksportyna degen baǵa 14 paıyzǵa, qorǵasyn - 8,9 paıyzǵa, qoıýlatylǵan propan men býtan gazdarynyń quny 7,6 paıyzǵa ósti. Sondaı-aq tsınk eksporty 5,7 paıyzǵa, jez - 4,2 paıyzǵa, munaı - 1,3 paıyzǵa, munaı ónimderi 1 paıyzǵa artqan. Buǵan qosa bir aı ishinde astyqqa degen baǵa 14,3 paıyzǵa, maqta - 11 paıyzǵa, al jún 10,7 paıyzǵa kóbeıip otyr.
Importtyq túsimderdiń ishinde balyq 7,8 paıyzǵa arzandap, kókónisterdiń baǵasy - 5,6 paıyzǵa, aıaq kıim - 5,2 paıyzǵa, hımııalyq taýarlar - 2,6 paıyzǵa, ósimdik maıy - 1,5 paıyzǵa, sháı 9,2 paıyzǵa kemidi. Sondaı-aq makaron ónimderi - 6,3 paıyzǵa, toqyma ónimi - 5,1 paıyzǵa, qant- 5 paıyzǵa, kakao men kofe jáne olardan daıyndalatyn ónimderdiń quny 1,2 paıyzǵa arzandady.
