Aǵymdaǵy jyldyń qazan aıyna deıin Tilderdi damytýdyń 2020 jylǵa deıingi baǵdarlamasy qabyldanady

Bul týraly búgin QR Parlamenti Májilisinde ótip jatqan «Memlekettik til - el birliginiń kepili» atty ǵylymı konferentsııa barysynda baıandama jasaǵan QR Mádenıet mınıstri Muhtar Qul-Muhammed málim etti, dep habarlaıdy QazAqparat.

Búgingi kúni mınıstrlik tarapynan tilderdi damytý tujyrymdamasynyń negizgi 12 baǵyty anyqtalǵan. «Tujyrymdama jasalý ústinde. Biraq, bıylǵy jyl Tilderdi damytýdyń memlekettik baǵdarlamasynyń (2001-2010 j) sońǵy jyly. Sondyqtan da, aldaǵy baǵdarlama jobasy mamyr aıyna qaraı jaryqqa shyǵady, ony baspasózge jarııalaıtyn bolamyz. Bul tujyrymdamany jetildirýge tilge janashyr azamattardyń barlyǵy qatysa alady. Sodan keıin, biz aǵymdaǵy jyldyń qazan aıyna deıin 2011-2020 jyldardy qamtıtyn memlekettik baǵdarlamany qabyldaýǵa tıispiz», dedi mınıstr.