Aǵymdaǵy jyldyń qańtarynda TJM qutqarýshylary apatty-qutqarý jumystaryna 3457 ret shyqty
ANA. 24 aqpan. QazAqparat /Gúlmıra Álıakparova/ - Aǵymdaǵy jyldyń qańtarynda QR Tótenshe jaǵdaılar mınıstrliginiń qutqarýshylary 3457 ret apatty-qutqarý jumystaryna shyǵyp,
433 adamdy ajal aýzynan aman alyp qaldy. Bul týraly búgin ótken baspasóz máslıhatynda QR TJM-nyń resmı ókili Lıýbov Shaposhnıkova málim etti.
Oqıǵalar tabıǵattyń tosyn minez tanytýynan, atap aıtqanda mol jaýǵan qar men jańbyrdan keıin bolǵan kóktaıǵaqtan, aq tútek boran men kúshti jelderden, sondaı-aq adamdardyń jeke bas qaýipsizdigin saqtamaýdan bolǵan.
«Batys Qazaqstan, Almaty, Qostanaı jáne Aqmola oblystarynyń tótenshe jaǵdaılar deartamentteriniń qyzmetkerleri úshin ótken sońǵy apta ońaıǵa túspedi. Máselen, aqpan aıynyń 13-i kúnderi BQO boıynsha qarly boranmen qosa, 22 m/s jyldamdyqta ońtústik-shyǵystan soqqan jeldiń kúsheıetindigi týraly eskertý habarlama jasaldy. 13 aqpan kúni saǵat 22.00-de BQO TJD Terekti aýdanynyń kezekshi bólimine «Barbastaý-Іńder» tas jolynyń Aqsýat aýylynyń tusynda birneshe kólik qar qursaýynda qalǵandyǵy týraly aqparat tústi. Oqıǵa ornyna Terekti aýdanynyń «Órt sóndirý jáne apatty-qutqarý jumystarynyń qyzmeti» MM-niń №27 órt sóndirý bólimi jetip, 7 avtokólikti súırep shyǵardy, 37 adam qaýipsiz jerge evakýatsııalandy», - deıdi ol.
Resmı ókildiń sózine qaraǵandaı, osyǵan uqsas oqıǵalar el aýmaǵynda kóptep bolýda.
Sol sebepti, QR Tótenshe jaǵdaılar mınıstrligi azamattardan joldarǵa shyǵardyń aldynda saq bolyp, aýa raıy boljamdary týraly málimetterge jete nazar aýdarýdy jáne úılerde órt qaýipsizdigin saqtaýdy surady.
