Aǵymdaǵy jyldyń qańtar-naýryzynda elimizde kóshi-qonnyń oń saldosy qalyptasty - statıstıka
ASTANA. 17 mamyr. QazAqparat - Qańtar-naýryzda Qazaqstanǵa kelgen jáne ketken adamdar sany 4,7 jáne sáıkesinshe 2,1 paıyzǵa artty, dep habarlady QR Statıstıka agenttiginiń baspasóz qyzmetinen.
Aǵymdaǵy jyldyń qańtar-naýryzynda elimizde kóshi-qonnyń oń saldosy qalyptasyp, 4344 adamdy qurady. Ótken jyldyń qańtar-naýryzymen salystyrǵanda Qazaqstanǵa kelgen jáne ketken adamdar sany 4,7 jáne sáıkesinshe 2,1 paıyzǵa artty. Elimizdegi negizgi kóshi-qon aýysymy TMD memleketterimen oryn alýda. TMD elderinen kelgender jáne atalǵan elderge ketkender úlesi 75,2 jáne sáıkesinshe 93 paıyzdy quraıdy. Elimizden tysqary jerlerden keletin mıgranttar sany 5,4 paıyzǵa artty.
