Aǵymdaǵy jyldyń qańtar-naýryz aılarynda elimizde 902 myń 400 bala ómirge keldi - D. Nazarbaeva
ASTANA. 1 maýsym. QazAqparat - Aǵymdaǵy jyldyń qańtar-naýryz aılarynda elimizde 902 myń 400 bala ómirge keldi.
Búgin 1 maýsym - Balalardy qorǵaý kúnine oraı Parlament Májilisinde «Zańnama jáne tájirıbedegi qazaqstandyq balalardy jan-jaqty qorǵaý jolynda» atty taqyrypta ótip jatqan halyqaralyq konferentsııa barysynda depýtat Darıǵa Nazarbaeva osylaı málimdedi.
«Qazaqstan - jastardyń memleketi degendi jıi estımin. Degenmen, muny Qazaqstan balalar men jasóspirimderdiń eli dep ataǵanymyz durys. Búgingi kúni bizdiń elimizde 2 mln. 254 myńnan astam mektepke deıingi jastaǵy balalar jáne shamamen 2 mln. 517 myńnan astam mektep jasyndaǵy balalar bar»,-dedi Áleýmettik mádenı damý komıtetiniń tóraıymy D. Nazarbaeva.
Sonymen qatar depýtat qazirdiń ózinde Qazaqstandaǵy balalar sany kún saıyn ósip otyrǵandyǵyn jáne osynyń asa qýanyshty jaıt ekenin atap ótti.
«Máselen, aǵymdaǵy jyldyń qańtar-naýryz aılarynda ǵana respýblıkamyzda 902 myń 400 bala ómirge keldi. Bul 2011 jylǵy osy kezeńmen salystyrǵanda 2,3 paıyzǵa joǵary kórsetkish bolyp tabylady»,-dedi D Nazarbaeva.
