Aǵymdaǵy jyldyń qańtar-maýsymynda elimizdegi bólshek saýda 12 paıyzǵa joǵarylady
ASTANA. 18 shilde. QazAqparat /Qanat Mámetqazyuly/ - Statıstıka agenttiginiń habarlaýynsha, 2011 jylǵy qańtar-maýsymda bólshek saýda kólemi ótken jylǵy tıisti kezeńmen salystyrǵanda 12 paıyzǵa joǵarylap,
1 trln. 628,6 mlrd.teńgege jetti.
Agenttik málimetinshe, aǵymdaǵy jylǵy maýsymda 2010 jylǵy maýsymmen salystyrǵanda taýarlardy bólshek saýdada ótkizý kólemi 13,6 paıyzǵa artqan. Al esepti kezeńde saýda kásiporyndary arqyly taýarlardy ótkizý kólemi 2010 jylǵy qańtar-maýsymǵa qaraǵanda 869 mlrd.teńgege jetti. Bul shamamen 7,1 paıyzǵa joǵary. Sonymen qatar, 2011 jylǵy qańtar-maýsymda bazarlardaǵy jáne jeke kásipkerlermen saýda kólemi ótken jyldyń tıisti kezeńimen salystyrǵanda 18,3 paıyzǵa kóbeıdi. Atalǵan ótkizý arnasynyń úlesi bólshek saýdanyń jalpy kóleminde 46,6 paıyzdy quraǵan. Bólshek saýda qurylymynda azyq-túlik emes taýarlar basym (bul bólshek saýdanyń jalpy kólemine 63,9 paıyz). Al azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11 paıyzǵa, azyq-túlik taýarlar - 14,4 paıyzǵa ulǵaıǵan.
