Aǵymdaǵy jyldyń qańtar-maýsym aılarynda elimizde 20,3 mlrd. tekshe metr gaz óndirildi

Munaı jáne gaz mınıstrliginiń aqparattyq-taldaý ortalyǵynyń málimetterine qaraǵanda, respýblıka oblystarynyń tabıǵı gazdy tutyný mólsheri joǵaryda atalǵan kezeńde 5,5 mlrd. tekshe metrdi qurady (101,5 paıyz).

Al negizgi jobalarǵa keletin bolsaq, búgingi kúni Jambyl oblysyndaǵy Amankeldi gaz ken ornyn ıgerý jalǵasýda. Atalǵan jobaǵa sáıkes, 2012 jyldyń 1 shildesindegi jaǵdaı boıynsha gaz óndirý 163,2 mln. tekshe m. (99,1 paıyz), gaz kondensaty - 10,7 myń tonnany qurady. Sonymen qatar, jer qoınaýyn paıdalanýshylardyń gazdy kádege jaratý jónindegi baǵdarlamalaryn iske asyrý barysynda, gaz alaýlarynda jaǵylatyn gaz kólemi 0,5 mlrd. tekshe metrdi qurap otyr. Bul ótken jyldyń uqsas merzimimen salystyrǵanda 75,9 paıyzǵa teń kórsetkish bolyp tabylady.