Aǵymdaǵy jyldyń qańtar-qyrkúıek aılarynda Almatynyń negizgi kapıtalyna tartylǵan ınvestıtsııalar kólemi 9,2 paıyzǵa ósti
ALMATY. 23 qazan. QazAqparat - Aǵymdaǵy jyldyń qańtar-qyrkúıek aılarynda Almatynyń negizgi kapıtalyna tartylǵan ınvestıtsııalar kólemi baǵalaýdy esepke alǵanda 304 032,9 mln. teńgeni qurady, bul 2011 jylǵy qańtar-qyrkúıek aılarymen salystyrǵanda 9,2 paıyzǵa kóp, dep habarlady Almaty qalasy statıstıka departamentiniń baspasóz qyzmetinen.
Qaladaǵy kásiporyndar men uıymdardyń negizgi kapıtalǵa tartqan ınvestıtsııalarynyń úlesi respýblıkalyq kólemniń 8,6 paıyzyn qurady. Aıtarlyqtaı úles mashına, jabdyqtar, quraldar satyp alý (51,3 paıyz) jáne ǵımarattar men qurylystardy salý jáne kúrdeli jóndeý boıynsha (43,9 paıyz) jumystarǵa tıesili. Negizgi kapıtaldaǵy ınvestıtsııalardyń jalpy kóleminde ózge kúrdeli jumystar men shyǵyndar 4,8 paıyzdy qurady.
