Aǵymdaǵy jyldyń ekinshi toqsanynda elimizdegi kásiporyndardyń iskerlik belsendiligi artty
ASTANA. QazAqparat - Ulttyq ekonomıka mınıstrligi Statıstıka komıtetiniń habarlaýynsha, Qazaqstannyń ónerkásip kásiporyndarynyń basshylary 2015 jylǵy ІІ toqsanda І toqsanmen salystyrǵanda daıyn ónimge suranystyń ósýin jáne óndiris kóleminiń artýyn atap ótken. Bul olardyń iskerlik belsendiliginiń joǵarlaǵanyn aıǵaqtaıdy.
Atap aıtqanda, iskerlik belsendiliginiń ózgerýin sıpattaıtyn kásipkerliktiń senimdilik ındeksi ótken toqsanmen salystyrǵanda 7 paıyzdyq tarmaqqa kóbeıgen. Sonymen qatar, ónerkásip kásiporyndary basshylarynyń baǵalaýynsha, jaqyn aradaǵy keleshekte, 2015 jylǵy qyrkúıekke deıin iskerlik belsendiliginiń ósýi kútiledi. Baǵalaýlarǵa qaraǵanda, 2015 jylǵy ІІ toqsanda ótken І toqsanmen salystyrǵanda tutynýshylyq suranys pen iskerlik belsendiligi de artqan. Bul rette kásipkerliktiń senimdilik ındeksi 1 paıyzdyq tarmaqqa kóbeıip otyr. Sonymen qatar, saýalnamaǵa qatysqan kásiporyn basshylarynyń 72 paıyzy 2015 jylǵy qyrkúıekke deıin óziniń qarjylyq-sharýashylyq qymetiniń ózgerissiz, 15 paıyzy jaqsarýyn jáne 8 paıyz kásiporyn óziniń qarjylyq-sharýashylyq qyzmetiniń nasharlaıtyndyǵyn atap ótken.
