Aǵymdaǵy jyldyń birinshi jartyjyldyǵyndaǵy qazaqstandyq qamtýdyń úlesi 4 mıllıard 943 myń teńge kóleminde

nbsp; ASTANA. Tamyzdyń 6-sy. QazAqparat /Marlan Jıembaı/ - Aǵymdaǵy jyldyń birinshi jartyjyldyǵyndaǵy qyzmetterdi, jumystardy jáne taýarlardy satyp alýdaǵy qazaqstandyq qamtýdyń úlesi 4 mıllıard 943 myń teńge kóleminde boldy. Bul týraly búgin elordada «Qazaqstandyq qamtýdy damytýdyń máseleri. 6 aı qorytyndysy» taqyrybynda ótken baspasóz máslıhaty barysynda Indýstrııa jáne jańa tehnologııalar vıtse-mınıstri Berik Kamalıev málim etti.

Onyń atap ótýinshe, bul 2009 jylmen salystyra qaraǵanda joǵary kórsetkish. Aǵymdaǵy jyly qazaqstandyq qamtý kólemi júıe quraýshy kásiporyndarda - 62, al «Samuryq-Qazyna» ulttyq ál-aýqat qory» quramyndaǵy kompanııalarda 63 paıyzdy qurap otyr. Jalpy qazaqstandyq qamtý úlesi jumystar men qyzmet kórsetýlerde 76 men 90 paıyz aralyǵynda aýytqyp turady. Al satyp alýlar boıynsha jumystardyń kólemi qazirgi ýaqytta birshama tómen nátıje kórsetýde. «Bul baǵytta bizder jumys júrgizip jatyrmyz. Qazirgi ýaqyttaǵy eń úlken másele - qyzmet kórsetý, salynatyn nysandardaǵy jergilikti kadrlardan bastap, sonda qoıylatyn qural-jabdyqtardyń barlyǵyn bizdiń kásipkerler júzege asyrýy tıis», deıdi B.Kamalıev.

Onyń atap ótýinshe, qazirgi ýaqytta mınıstrlik Halliburton kompanııasymen jumys jasaýda. Qazirgi ýaqytta atalǵan kompanııa skvajınalardy tesýge qajetti burǵylardy jasaýǵa jáne basqa da servıstik jumystarǵa kerekti qural-saımandardy jasaıtyn birlesken kásiporyn qurýǵa usynys berip otyrǵan kórinedi. Bul oraıda vıtse-mınıstr osyndaı kompanııalarmen birlesip, tehnıkalyq qujattamalarmen jumys jasaǵanda ǵana qazaqstandyq qamtýdyń úlesi arta túsetindigine senim bildirdi.