Aǵymdaǵy jyldyń birinshi jartysynda «QazMunaıGaz» 698 mıllıard teńgeniń jumystaryn, qyzmetterin, taýarlaryn satyp aldy

ASTANA. Tamyzdyń 12-si. QazAqparat /Marlan Jıembaı/ - Aǵymdaǵy jyldyń birinshi jartysynda «QazMunaıGaz» UK» AQ 698 mıllıard teńgeniń jumystaryn, qyzmetterin, taýarlaryn satyp alsa, onyń 65 paıyzyn qazaqstandyq qamtý qurady.

Bul týraly búgin Úkimet basshysy K.Másimovtiń qatysýymen ótken «Samuryq-Qazyna» ulttyq ál-aýqat qory basqarmasynyń keńeıtilgen keńesi barysynda «QazMunaıGaz» UK» AQ prezıdenti Qaıyrgeldi Qabyldın málim etti.

Kompanııanyń otandyq munaı-gaz mashınalaryn jasaý salasynyń órkendeýine de óz úlesin qosyp kele jatqandyǵyn aıtqan ol, «QazMunaıGaz»-dyń qatysýymen qazaqstandyq kásiporyndarda munaı-gaz ónerkásibine qajetti qural jabdyqtar men taýarlardyń 325 túri shyǵarylýda», dedi.

Sondaı-aq Q.Qabyldınniń atap ótýinshe, kompanııa esebinen bıýdjetke 419 mıllıard teńge kóleminde qarjy túsken. «Qazirgi ýaqytta «QazMunaıGaz»-dyń qatysýymen túsetin salyq úlesi 22 paıyzdy, al Ulttyq qorǵa túsiminiń úlesi 25 paıyzdy qurap otyr», dedi ol óz sózinde.