Aǵymdaǵy jyldyń birinshi toqsanynda qurylystaǵy baǵalar 1,4 paıyzǵa joǵarylady
ASTANA. 9 sáýir. QazAqparat - Aǵymdaǵy jyldyń birinshi toqsanynda qurylystaǵy baǵalar 1,4 paıyzǵa ósti, dep habarlady QR Statıstıka agenttiginiń baspasóz qyzmetinen.
2011 jylǵy naýryzda ótken jylǵy jeltoqsanmen salystyrǵanda baǵalar qurylys-montaj jumystaryna - 1,2, mashınalar men jabdyqtarǵa - 2,5, ózge de jumystar men shyǵyndarǵa 1 paıyzǵa ósti.
Aǵymdaǵy jylǵy qańtar-naýryzda qurylys uıymdary satyp alǵan materıaldar, bólshekter jáne konstrýktsııalardyń baǵalary 0,2 paıyzǵa artty.
Metall konstrýktsııalary - 1,5, aǵash-talshyqty taqtalar - 1,3, bolattan jasalǵan jazyq ılek - 1,1, bıtýmdar - 0,6, boıaýlar men emaldar - 0,5, qıyrshyqtas, maltatas jáne shaqpaqtas 0,4 paıyzǵa qymbattady.
Kirpishter - 0,2, qyshtan, betonnan, tsementten jasalǵan qubyrlar 0,1 paıyzǵa arzandady.
