Aǵymdaǵy jyldyń birinshi toqsanynda kıikterdi zańsyz aýlaýdyń 8 faktisi tirkeldi - AShM
ASTANA. 6 sáýir. QazAqparat - Aǵymdaǵy jyldyń birinshi toqsanynda kıikterdi zańsyz aýlaýdyń 8 faktisi tirkeldi.
Bul týraly búgin elordada QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy Erlan Nysanbaev aıtty.
Sonymen qatar onyń atap ótýinshe, 18 qańtar kúni «Maıqapshaǵaı» beketinde keden qyzmetkerleri bir azamattyń qol júgin tekserý barysnyda aıýdyń 4 terisin, 22 tabanyn, 5 basyn jáne 1 júregin tárkilegen. Al 19 naýryzda Almaty oblysynyń quqyq qorǵaý organdarynyń qyzmpetkerleri «Іle» beketinde toqtatylǵan kólikti tekserý barysynda odan 49 qorapqa býyp-túıilgen 4707 dana kıik múıizin, 26 túktegi 10608 dana sý tyshqanynyń terisin, 3 qap «baımur» tamyryn tapqan.
«Jalpy kıikterdi zańsyz aýlaý úshin jaýapkershilik sharalaryn kúsheıtý maqsatynda komıtet Qazaqstannyń búkil aýmaǵynda kıikti aýlaýǵa 2020 jylǵa deıin tyıym salýdy belgiledi», - dedi ol.
