Aǵymdaǵy jyldyń birinshi toqsanynda Qazaqstanda elektr energııasy 12,36 paıyzǵa qymbattady

Bul týraly búgin ótken baspasóz máslıhatynda Tabıǵı monopolııalardy retteý agentti tóraǵasynyń orynbasary Anatolıı Shkarýpa málim etti.

A.Shkarýpa atap kórsetkendeı, atalmysh kezeńde elektr energııasy13 oblysta qymbattaǵan. Al onyń negizgi sebebi - elektr stansylarynda óndiriletin energııa baǵasynyń artýymen baılanystyryldy.

Aıta keteıik, ótken jyly elektr óndirýshi 13 kompanııa tobyna ár jyly tarıfterdi kóterýge bolatyn mejeler belgilengen 2015 jylǵa deıingi jospar usynyldy. Qaýly 2009 jylǵy naýryz aıynda bekitildi jáne oǵan sáıkes, baǵalardyń ótken jylǵy jáne aǵymdaǵy jylǵy ózgerý shegi 30 paıyzdan aspaýy tıis.

Sondaı-aq, usynylǵan málimetterge sáıkes, birinshi toqsanda sýyq sý - 10,6 paıyzǵa, jylý - 2,99, ystyq sý - 2,86 jáne káriz tarıfteri - 6,77 paıyzǵa qymbattady.