Aǵymdaǵy jyldyń birinshi toqsanynda elimizdegi jalpy tirkelgen qylmystardyń sany 14 paıyzǵa ósti - ІІM
ASTANA. Sáýirdiń 26-sy. QazAqparat /Qanat Mámetqazyuly/ - Aǵymdaǵy jyldyń birinshi toqsanynda jalpy tirkelgen qylmystar sany 14 paıyzǵa ósti. Búgin Parlament Májilisiniń kóshpeli Úkimet saǵatynda «Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly» taqyrypta baıandama jasaǵan QR Іshki ister mınıstri Serik Baımaǵanbetov osylaı málim etti,
dep habarlaıdy QazAqparat.
Mınstrdiń aıtýynsha, elimizdegi tirkelgen qylmys sanynyń ósýi negizinen usaq urlyqtar, uıaly telefondardy ıemdenýmen baılanysty tonaýlar jáne buzaqylyqtar esebinen oryn alyp otyr. «Sonymen birge bul kórsetkish azamattardyń aryzdary men shaǵymdarynyń tolyq tirkelýimen de baılanysty bolyp tabylady. Árbir aryz qabyldanyp, dereý tirkeýden ótedi. Esepke alý tártibi Bas prokýratýra men ІІM-niń tarapynan qatańdatyldy. Qazirgi ýaqytta qylmystyń naqty órshýi men elimizdegi krımınaldyq ahýaldyń kúrdelenýine negiz bolarlyqtaı alǵysharttar joq», dedi S. Baımaǵanbetov.
Sonymen bir mezgilde mınıstrdiń sózine qaraǵanda, aǵymdaǵy jyly ótken jylǵy kezeńge qaraǵanda aýyr jáne asa aýyr qylmystar sany azaıyp, kisi óltirý qylmysy, densaýlyqqa asa zııan keltirý, sondaı-aq kámeletke tolmaǵandar jasaǵan qylmystar sany tómendep otyr. «Bul rette qylmystardy ashý jáne qylmyskerlerdi izdestirý jónindegi jumystar nátıjesi jaqsaryp keledi», dedi mınıstr.
