Aǵymdaǵy jyldyń birinshi toqsanynda elimizde daıyn ónimge suranys artty - Statıstıka komıteti
ASTANA. QazAqparat - Ónerkásip kásiporyndarynyń basshylary 2015 jylǵy І toqsanda ótken 2014 jylǵy ІV toqsanmen salystyrǵanda daıyn ónimge suranystyń ósýin jáne óndiris kóleminiń artýyn atap ótken.
QR Ulttyq Ekonomıka mınıstrligi Statıstıka komıtetiniń habarlaýynsha, bul olardyń iskerlik belsendiliginiń joǵarylaǵanyn aıǵaqtaıdy.
«Іskerlik belsendiliginiń ózgerýin sıpattaıtyn kásipkerliktiń senimdilik ındeksi ótken toqsanmen salystyrǵanda 4 paıyzdyq tarmaqqa tómendedi. Ónerkásip kásiporyndary basshylarynyń kópshiligi jaqyn aradaǵy keleshekte, 2015 jylǵy maýsymǵa deıin, iskerlik belsendiliktiń ósýi kútiletinin alǵa tartady. 2015 jylǵy І toqsanda ótken 2014 jylǵy ІV toqsanmen salystyrǵanda saýda kásiporyndary basshylarynyń baǵalaýy boıynsha tutynýshylyq suranys pen iskerlik belsendiligi tómendedi. Kásipkerliktiń senimdilik ındeksi (-2) paıyzdyq tarmaqqa tómendep, (0%) qurady», - delingen baspasóz baıanynda.
Sonymen qatar, suraýǵa qatysqandardyń 73 paıyzy iskerlik belsendilik 2015 jylǵy maýsymǵa deıin ózgerissiz qalady dep boljasa, 16 paıyzy jaqsarýyn jáne 7 paıyz kásiporyn óziniń qarjylyq-sharýashylyq qyzmetiniń nasharlaıtyndyǵyn baǵalaǵan.
