Aǵymdaǵy jyldyń basynan «JJK-2020» júzege asyrý aıasynda 19 myńnan astam adam jumyspen qamtyldy - Q. Ábsattarov

ASTANA. 3 jeltoqsan. QazAqparat - «Jumyspen qamtý jol kartasy - 2020» baǵdarlamasynyń birinshi baǵyty aıasynda 2013 jyldyń 10 aıynda 19 myń qazaqstandyq jumys oryndarymen qamtyldy, dep habarlady eńbek jáne halyqty áleýmettik qorǵaý vıtse-mınıstri Qaırat Ábsattarov Primeminister.kz saıtyna bergen suhbatynda.

«2013 jyldyń 1 qarashasyna qurylǵan jumys oryndaryna 19 174 adam jumysqa turdy, olardyń 10 427 - baǵdarlama qatysýshylary nemese eńbekpen qamtylǵandardyń 54,4%», - dedi Q. Ábsattarov.

Onyń aıtýynsha, bıylǵy jyly 922 jobany júzege asyrý aıaqtaldy. Baǵdarlamany júzege asyrǵannan beri qurylǵan jumys oryndaryna 26 myńnan astam adam eńbekpen qamtyldy, 1,5 myńǵa jýyq joba júzege asyryldy.

Aıta ketý kerek, 2013 jyldyń 19 maýsymynan Memleket basshysynyń tapsyrmasyn oryndaý maqsatyndaǵy № 636 Úkimet qaýlysymen Jumyspen qamtýdyń jol kartasy 2020 (JJK-2020) bekitildi, ol 2009 jáne 2010 jyldardyń jol kartalaryn júzege asyrýdyń jáne Jumyspen qamtý 2020 baǵdarlamasynyń logıkalyq jalǵasy bolyp tabylady.
Qaıta qabyldanǵan Baǵdarlama daǵdarysqa qarsy retteý tetikterinen, eńbek naryǵyn retteýdi arttyrý, onyń ishinde eńbek naryǵyn boljaý jáne monıtorıngileý, jumyssyz jáne ózin-ózi qamtyǵan halyqty belsendi sharalarǵa tartýdan turady. «JJK-2020» baǵdarlamasy úsh negizgi baǵyttan turady. Bul ınfraqurylymdy jáne turǵyn úı-kommýnaldyq sharýashylyq, kásipkerlikti damytý jáne tirek aýyldardy damytý arqyly jumys oryndaryn qurý esebinen jumyspen qamtýdy qamtamasyz etý.