Aǵymdaǵy jyldyń basynan 9,9 mln. teńge jalǵan aqsha aınalymnan alyndy
ASTANA. QazAqparat - Aǵymdaǵy jyldyń basynan 9,9 mln. teńge jalǵan aqsha aınalymnan alyndy. Bul týraly búgin QR QM Memlekettik kirister komıteti Profılaktıkalyq jumys jáne baqylaý basqarmasynyn basshysy Talǵat Bashaev málim etti.
«Jalǵan aqsha jasaıtyn jasyryn 7 tsehtyń qyzmetine tosqaýyl qoıylyp, zańsyz aınalymnan jalpy somasy 9,9 mln. teńgeni quraıtyn 2,8 myń. dana jalǵash aqsha kýpıýrasy tárkilendi. Osylaısha, jalǵan aqshalardyń odan ary taralýynyń joly kesilip, memlekettiń ekonomıkalyq múddesi qorǵaldy», - dedi ol.
Sonymen qatar onyń atap ótýinshe, esirtki zaty aınalymy salasynda 66 qylmys tirkelip, 158 keli geroın tárkilengen. Bul 2013 jáne 2014 jyldardaǵy tárkilengen esirtki kóleminen kóp.
