Aǵymdaǵy jyldyń alǵashqy jartyjyldyǵynda 114 mlrd. teńgeniń 75 ınvestıtsııalyq jobasy júzege asty
Olar boıynsha 6 myńnan astam turaqty jumys orny ashyldy. Bul týraly Indýstrııa jáne jańa tehnologııalar mınıstrliginiń baspasóz qyzmetinen habarlandy.
Budan bólek, jyldyń ekinshi jartysynda kem degende 129 jobany júzege asyrý josparlanýda. 617 mlrd. teńgeni quraıtyn bundaı jobalardyń nátıjesinde 14,5 myń turaqty jumys orny ashylatyny kútiledi. Bul jobalardyń arasynda mynadaı iri jobalar qamtylǵan: Sharyn ózenindegi Moınaq GES-i («Samuryq-Energo» AQ), Jetigen - Qorǵas temirjol jelisiniń birinshi kezekte iske qosylatyn keshen - jumys qozǵalysy («Qazaqstan Temir Joly» AQ), «Ózen -Túrkimenstanmen memlekettik» («Qazaqstan Temir Joly») , «Talgo» Astana qalasyndaǵy jolaýshylar vagonyn shyǵarý zaýyty, 5000 basyna deıingi iri qara maldy bordaqylaý alańy, onyń ishinde 1010 bas eki asyl tuqymdy sharýashylyǵy Aqmola oblysynda «KazBeef Ltd» JShS, Syrdarııa ózenindegi tasqynǵa qarsy Kóksaraı sý rettegishi, Qyzylorda oblysyndaǵy kúkirt-qyshqyly zaýyty «SKZ-U» JShS.
Eske sala ketsek, byltyrǵy 2010 jyly Indýstrııalandyrý Kartasy boıynsha 800 mlrd. teńgeniń 152 jobasy iske qosyldy jáne 23 myńnan astam turaqty jumys orny qurylǵan bolatyn. Al oblystar men Astana jáne Almaty qalalary ákimdikteriniń aqparattaryna sáıkes, 2010 jyly júzege asqan jobalardyń 70 paıyzdan astamy óz qýattaryn ıgergen.
