Aǵymdaǵy jyldyń 9 aıynda ótkizilgen aýyl sharýashylyǵy ónimine baǵa 1,9 paıyzǵa ósti
ASTANA. Qazannyń 8-i. QazAqparat - Aǵymdaǵy jyldyń alǵashqy 9 aıynda ótkizilgen aýyl sharýashylyǵy ónimine baǵa 1,9 paıyzǵa ósti. Bul aqparatty elimizdiń Statıstıka agenttigi taratyp otyr.
Vedomstvonyń habarlaýynsha, bıylǵy jylǵy qyrkúıekte ótken jylǵy jeltoqsanmen salystyrǵanda aýyl sharýashylyǵy qurylymdary ótkizgen ósimdik sharýashylyǵy ónimi 1,2, al mal sharýashylyǵy ónimi - 2,8 paıyzǵa qymbattady.
Aǵymdaǵy jylǵy toǵyz aıda ótkizý baǵalary kartopqa 6,9, shalqan tárizdi pııazǵa - 6,7, qyryqqabat pen sábizge - 6,6, qyzylshaǵa - 4, bıdaıǵa - 1,8, qaraqumyqqa - 1 paıyzǵa ósip, al arpaǵa 11,3, burshaqqa - 4,6, júgerige - 3,8, kúrishke - 2,8 paıyzǵa tómendedi. Sondaı-aq qyrkúıekte ótken aımen salystyrǵanda baǵa bıdaıǵa 8,1, arpaǵa - 1,2, burshaqqa - 1,5 paıyzǵa qymbattady.
Statıstıka agenttiginiń málimetterine sáıkes aǵymdaǵy jyldyń qańtar-qyrkúıek aılarynda shoshqa eti 9,3, iri qara mal eti - 8,9, jylqy eti - 8,4, qoı etine - 7,8 paıyzǵa sonymen qatar sút 1,5, jún - 6,6, bal - 6,9 paıyzǵa qymbattasa, jumyrtqa baǵasy 19,5 paıyzǵa arzandaǵan. Degenmen qyrkúıek aıynda jumyrtqa baǵasy 6,2 paıyzǵa ósim kórsetken.
