Aǵymdaǵy jyldyń 9 aıynda Qazaqstanda júrekke 40 myń ota jasaldy - N.Nazarbaev
ASTANA. 14 jeltoqsan. QazAqparat - Aǵymdaǵy jyldyń 9 aıynda Qazaqstanda júrekke 40 myń ota jasaldy. Bul týraly búgin QR Táýelsizdigi kúnine arnalǵan saltanatty jıynda sóz sóılegen QR Prezıdenti Nursultan Nazarbaev aıtty.
«Bizderdiń dárigerlerdi daıyndaý isine jáne tolyqtaı densaýlyq saqtaý salasyna erekshe kóńil bólýimizdiń arqasynda aǵymdaǵy jyldyń tek 9 aıynda ǵana Qazaqstanda júrekke 40 myń túrli ota, onyń shamamen 10 myńy - ashyq júrekke jasaldy. Dáriger-hırýrgterdiń mundaı erligin atap óte otyryp, men búgin V.Pıa myrzaǵa «Qazaqstannyń eńbek eri» ataǵyn berdim», - dedi Elbasy.
Sonymen qatar Memleket basshysy bilikti dárigerler men zamanaýı medıtsınalyq qural-jabdyqtardyń arqasynda mundaı otalar barlyq oblys ortalyqtarynda jasalatyndyǵyn basa aıtty.
«Batysta mundaı otalar quny 20 myń dollarǵa teń. 40 myńǵa kóbeıtseńizder mol qarjy shyǵady. Al biz barlyǵyn memlekettiń qarjysy esebinen tegin jasaımyz», - dedi N.Nazarbaev.
