Aǵymdaǵy jyldyń 9 aıynda 8 377 qylmystyq quqyq buzýshylyq tirkeldi - Memlekettik kirister komıteti
ASTANA. QazAqparat - Aǵymdaǵy jyldyń 9 aıynda 8 377 qylmystyq quqyq buzýshylyq tirkeldi . Bul týraly búgin QR QM Memlekettik kirister komıteti Profılaktıkalyq jumys jane baqylaý basqarmasynyn basshysy Talǵat Bashaev málim etti.
«Qabyldanǵan sharalardyń nátıjesinde aǵymdaǵy jyldyń 9 aıynda 8 377 qylmystyq quqyq buzýshylyq tirkelse, onyń tek on paıyzyn ǵana shaǵymdar men basqa organdardan túsken habarlamalar quraıdy. 2 295 istiń óndirisi aıaqtalyp, 1 654 is sotqa jónentildi», - dedi ol. Onyń atap ótýinshe, qylmystyq ister boıynsha anyqtalǵan zalal somasy 67,7 mlrd. teńgeni quraıdy. Bul ótken jyldyń sáıkes kezeńimen salystyrǵanda 36 paıyzǵa artyq. «32,8 mlrd. teńge somasyndaǵy zalal óndirildi, ótken jyly onyń kólemi 18,8 mlrd. teńgeni quraǵan edi. Ósim 1,7 ese. Somasy 8,7 mlrd. teńgeni quraıtyn múlikke tyıym salynǵan», - dedi. Onyń sózine qaraǵanda, tyıym salynǵan múlikterdi eskergen kezdegi zalaldy óndirý úlesi 61,5 paıyzǵa jetken. Al bul kórsetkish ótken jyly 44,8 paıyzdy quraǵan bolatyn.
