Aǵymdaǵy jyldyń 9 aıynda 50-60 jas aralyǵyndaǵy 336 myńnan astam áıelge mammografııalyq zertteýler júrgizildi - QR Densaýlyq saqtaý mınıstrligi
ASTANA. 21 qazan. QazAqparat - Densaýlyq saqtaý mınıstrligi sút bezi obyry jáne derttiń aldyn alý sharalary týraly qoǵamnyń habardar bolý deńgeıin arttyrý - qaterli aýrýǵa qarsy kúrestiń basty strategııasy ekenin eske salady.
Búkil álemde sút bezi obyry áıelder arasynda eń jıi kezdesetin onkologııalyq aýrý bolyp tabylady. Osyǵan baılanysty 21 qazan - sút bezi obyry týraly habardar bolýdyń halyqaralyq kúni retinde jarııalanǵan.
Kóp jyldardan beri sút bezi obyry álemde áıelder arasyndaǵy onkologııalyq aýrýlar arasynda alǵashqy orynda tur. Qaterli isik dertine shaldyqqan árbir besinshi áıelden aýrý anyqtalyp, 45-55 jastaǵy áıelder arasyndaǵy ólimge negizgi sebepterdiń biri bolyp otyr. Áıelderdiń 25,9% aýrýy asqynǵan kezde ǵana dárigerlerge qaralǵan.
Skrınıngtik tekserýler - QR Densaýlyq saqtaý salasyn damytýdyń «Salamatty Qazaqstan» memlekettik baǵdarlamasynda strategııalyq baǵyttardyń biri. QR Densaýlyq saqtaý mınıstrligi sút bezi obyrynan bolatyn ólim-jitim kórsetkishin tómendetý jáne aldyn alý maqsatynda baǵdarlamany júzege asyrýda. Áıelder arasynda qaterli isikterdi anyqtaý jáne aldyn alý baǵytynda skrınıngtik tekserýler júrgizilýde.
2011 jyldyń 9 aıynda 50, 52, 54, 56, 58 jáne 60 jastaǵy 336 022 áıelge mammografııalyq zertteýler júrgizilgen. Bul jospardaǵy kólemniń 76,4%-yn quraıdy. Sút bezi obyry 292 jaǵdaıda anyqtalǵan.
Sút bezi obyryn rentgendik zertteýler - mammografııanyń kómegimen erte anyqtaýǵa bolady. 50 jastan asqan árbir áıel mammografııadan mindetti túrde ótýi kerek. Jáne jasyna qaramastan, keýde tusynda kez-kelgen isik baıqalǵan jaǵdaıda mamandardyń kómegine júginýi tıis.
