Aǵymdaǵy jyldyń 5 aıynda «Jumyspen qamtý» baǵdarlamasy aıasynda 40 myńnan astam azamat jumysqa ornalasty

ASTANA. QazAqparat - Aǵymdaǵy jyldyń 5 aıynda «Jumyspen qamtý» baǵdarlamasy aıasynda 40 myńnan astam azamat jumysqa ornalasty. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.

Onyń atap ótýinshe, aǵymdaǵy jyly mınıstrlik jergilikti ákimdiktermen birlesip, jyl sońyna deıin ózin-ózi jumyspen qamtyǵan, jumyssyzdar men az qamtamasyz etilgen 154 myń adamdy «Jumyspen qamtý» baǵdarlamasy aıasynda jumysqa ornalastyrýdy josparlap otyr.

«Aǵymdaǵy jyldyń 5 aıynda biz 40 myńnan astam azamatty «Jumyspen qamtý» baǵdarlamasy aıasynda jumysqa ornalastyrdyq», - dedi T.Dúısenova.

Mınıstrlik derekterine qaraǵanda, bes aıda baǵdarlama aıasynda jumysqa tartylǵandardyń 64,9 paıyzy jumyssyzdar bolsa, al 33,6 paıyzy - ózin-ózi jumyspen qamtyǵan azamattar. Sonymen qatar baǵdarlamaǵa balalar men jastardyń belsendi qatysýy baıqalady. Olardyń úlesi sáıkesinshe 48 jáne 46 paıyzdy quraıdy.