Aǵymdaǵy jyldyń 5 aıynda sottan qashyp júrgen 1,5 myń qylmysker ustaldy
ASTANA. QazAqparat - Búgin ishki ister organdarynyń qyzmeti máseleleri jónindegi qoǵamdyq keńes otyrysy ótip, onda QR Іshki ister mınıstri Qalmuhanbet Qasymovtyń esebi tyńdaldy, dep habarlaıdy QazAqparat.
Mınıstr óz esebi barysynda aǵymdaǵy jyldyń 5 aıynda ishki ister organdarynyń jedel qyzmettik nátıjelerin baıandady.
Onyń atap ótýinshe, atalǵan merzimde aýyr jáne asa aýyr, denege aýyr jaraqat salý, buzaqylyq, zorlaý, urlyq, alaıaqtyq, tonaý jáne buzaqylyq syndy qylmystardyń ashylý kórsetkishi jaqsarǵan. Ótken jyldardaǵy 5 myńnan astam qylmystyq quqyq buzýshylyq áshkerelengen. Onyń ishinde 15 kisi ólimi, 40 denege aýyr jaraqat salý, 30 zorlaý, 200-den astam tonaý, 30 qaraqshylyq, 3,6 myń urlyq, 900 alaıaqtyq jáne 200 buzaqylyq qylmystary ashylǵan. Munan bólek, tergeý men sottan jaltaryp júrgen 1,5 myńnan astam qylmysker ustaldy.
«Qoǵamdyq otyrys barysynda Qasymov keńes músheleriniń saýaldaryna da jaýap berdi. Jalpy, Іshki ister mınıstriniń esebi Qoǵamdyq keńes músheleri tarapynan maquldandy jáne olar mınıstrlik qyzmetiniń tıimdiligin jaqsartýǵa baǵyttalǵan usynystar berdi», - dep habarlady ІІM baspasóz qyzmetinen.
