Aǵymdaǵy jyldyń 4 aıynda 1,9 mln. sharshy metr turǵyn úı paıdalanýǵa berildi

Bul týraly búgin Úkimet otyrysynda «Qoljetimdi baspana-2020» baǵdarlamasyn iske asyrý barysy týraly baıandama jasaǵan QR Óńirlik damý vıtse-mınıstri Serik Nokın málim etti.

Onyń atap ótýinshe, bıylǵy jyldyń 4 aıynda qarjylandyrýdyń barlyq kózderinen turǵyn úı qurylysyna 117,3 mlrd. teńge nemese 2010 jylmen salystyrǵanda 110 paıyz ınvestıtsııa baǵyttalǵan.

«Jalpy alańy 1,9 mln. sharshy metr turǵyn úı paıdalanýǵa berildi. Bul 2012 jylmen salystyrǵanda 95 paıyzdy quraıdy. Osy qarqyn turǵyn úı salýdyń josparlanǵan jumys kólemin oryndaýdy qamtamasyz etýge múmkindik beredi»,-dedi ol.

S. Nokınniń atap ótýinshe, paıdalanýǵa berilgen turǵyn úılerdiń jalpy kóleminiń 63 paıyzy nemese 1,2 mln. sharshy metri jeke turǵyn úı qurylysynyń úlesine tıesili. Bul ótken jyldyń sáıkes kezeńimen salystyrǵanda jeke turǵyn úı salý kóleminiń 19 paıyzǵa artqandyǵyn kórsetedi.

Atalǵan merzimde memlekettik kásiporyndar men uıymdar 197 myń sharshy metr turǵyn úıdi paıdalanýǵa berdi.