Aǵymdaǵy jyldyń 3 aıynda respýblıkada ana ólimi 21,3 paıyzǵa, bala ólimi 10 paıyzǵa tómendedi
ASTANA. 12 sáýir. QazAqparat - «Búgin Densaýlyq saqtaý mınıstrliginde Mınıstr Salıdat Qaıyrbekovanyń tóraǵalyǵymen selektorlyq rejimde ana men bala ólimin, qan aınalymy júıesi aýrýlarynan bolatyn ólimdi azaıtýǵa baǵyttalǵan
jedel is-sharalar qabyldaý jónindegi respýblıkalyq shtabtyń otyrysy bolyp ótti», - dep habarlaıdy Densaýlyq saqtaý mınıstrliginiń baspasóz qyzmeti.
Otyrysqa oblystar, Astana men Almaty qalalary ákimderiniń orynbasarlary jáne densaýlyq saqtaý basqarmalarynyń basshylary qatysty. Qazaqstanda densaýlyq saqtaý salasynyń basty baǵyty ana men bala densaýlyǵyn qorǵaý bolyp tabylady. Elimizde áıelder men balalarǵa profılaktıkalyq tekserýler júıeli júrgizilip keledi. Olar qymbat dári-dármekpen qamtamasyz etilip, qosalqy reprodýktıvtik tehnologııalar damýda.
Aǵymdaǵy jyldyń 3 aıynda respýblıkada ana ólim-jitimi 21,3 paıyzǵa, bala ólim-jitimi 10 paıyzǵa tómendedi. Aıta ketetin jáıt, bala ólim-jitimi elimizdiń barlyq óńirinde baıqalady. Densaýlyq saqtaý mınıstrligi ana men bala ólimin tómendetý boıynsha júıeli
is-sharalar sheńberinde 5 jasqa deıingi balalarǵa dıspanserlik qadaǵalaýdy kúsheıtti. Júkti áıelderdiń jaǵdaılaryna monıtorıng, bosanǵanǵa deıingi kezeńde genetıkalyq aýrýlarǵa jáne týa bitken damý aqaýlaryna skrınıng júrgizilip, halyqaralyq tehnologııalar engizilýde.
Sanıtarlyq avıatsııa úılestirý ortalyǵy 2012 jyldyń 3 aıynda 160 ret ushty. Onyń ishinde 74 júkti jáne bosanǵan áıelge, 27 jańa týylǵan sábıge qyzmet kórsetti. Densaýlyq saqtaý mınıstrligi júkti jáne bosanǵan áıelderdiń jaǵdaıyna kún saıyn monıtorıng jasaıdy. Bul óz kezeginde ólim-jitimniń aldyn alýǵa jáne sheshim qabyldaýǵa múmkindik beredi. 2012 jylǵy qańtar-aqpan aılarynda qan aınalymy júıesi aýrýlarynan bolatyn ólim-jitim ótken jyldyń sáıkes kezeńimen salystyrǵanda 42 paıyzǵa tómendedi. Osy dertten bolatyn ólim-jitim qurylymynda ótkir ınfarkt mıokardy 40 paıyzdy quraıdy jáne olardyń kópshiligi úıde tirkeledi.
