Aǵymdaǵy jyldyń 3 aıynda el aýmaǵynda asa qaýipti 55 ınfektsııa oshaǵy tirkeldi

Bul týraly búgin elordada «Qazaqstan Respýblıkasyndaǵy veterınarııanyń jaǵdaıy jáne damý perspektıvasy» taqyrybynda ótken halyqaralyq konferentsııada S.Seıfýllın atyndaǵy Qazaq  agrotehnıkalyq ýnıversıteti veterınarııa jáne mal sharýashylyǵy tehnologııasy fakýltetiniń dekany Balǵabaı Maıqanov aıtty.

«Qazaqstan Respýblıkasy Aýyl sharýashylyǵy mınıstrliginiń  aqparattaryna súıensek,  byltyr (2011 jyly) 227-den  asa qaýipti ınfektsııa oshaǵy tirkelse, onyń ishinde 7-eýi aýsyl oshaǵy. Bıylǵy (2012 j.) 3 aıda asa qaýipti 55 ınfektsııa oshaǵy tirkelgen, onyń ishinde 7-eýi aýsyl oshaǵy», - dedi ol.

Onyń atap ótýinshe, onyń sebepteriniń biri «Veterınarııa týraly zańǵa» tolyqtyrýlar engizilgennen keıingi normatıvtik aktiler men janama zań aktilerdi der kezinde qabyldanbaýynan bolǵan. Sol sebepti, áli kúnge deıin árbir janýardy tirkeıtin elektrondyq baza, veterınarlyq qujattardy berý erejeleri jáne basqa da normatıvtik aktiler joq.

«Ekinshi másele, veterınarııalyq ınspektsııa jumysynyń durys uıymdastyrylmaýy jáne  óz mindetterin tolyq atqara almaı otyrǵany.

Veterınarııa komıteti jeke qurylǵannan keıin bárimiz barlyq vetınspektorlar táýelsiz bolyp, veterınarlyq talaptardy qadaǵalamaǵandary atqarýshy organdar men mal sharýashylyǵy sýbektilerin zaǵaa sáıkes qatań sharalar qoldanady dep úmittendik. Biraq bul qyzmette ákimshilik qyzmetkerlerdiń kóbeıýinen basqa ózgeris baıqalmady. Ókinishke oraı, bul salada ákimshi qyzmetkerler sany artqanymen, baǵyttalǵan naqty jumystar oryndalǵan joq», - dedi B.Maıqanov.