Aǵymdaǵy jyldyń 2-shi toqsanynda aýyldyq jerdegi kedeıliktiń deńgeıi qalalyq deńgeıden 2 esege artty - Statıstıka agenttigi
ASTANA. Qyrkúıektiń 10-y. QazAqparat /Qanat Mámetqazyuly/ - 2010 jyldyń 2-shi toqsandaǵy halyq tabysynyń dıfferentsıatsııasyna sáıkes, eń tómengi kúnkóris shamasynan tómen úı sharýashylyqtarynyń úlesi aǵymdaǵy jylǵy 2 toqsanda 8,2 paıyzdy qurady.
Bul kórsetkish 2009 jylǵy tıisti kezeńge qaraǵanda 4,4 paıyzdyq tarmaqqa tómen. Toqtala ketetin jaıt, Statıstıka agenttigi atalǵan qorytyndyǵa 12 myń úı sharýashylyǵyn iriktep zertteý nátıjeleri boıynsha kelip otyr.
Agenttik óz zertteýlerine súıene otyryp, sondaı-aq turmys deńgeıiniń aımaqtyq sıpattaryn qarastyra kelip, Mańǵystaý, Ońtústik Qazaqstan jáne Almaty oblystary sııaqty aımaqtarda kedeıliktiń eń kóp tómendeýin atap ótedi. Budan bólek, kedeıliktiń eń joǵarǵy deńgeıi bar aımaqtardyń qataryna Ońtústik Qazaqstan, Mańǵystaý jáne Shyǵys Qazaqstan oblystary kirdi. Bul óńirlerdegi kórsetkish ortasha respýblıkalyq deńgeıden 1,7 -1,2 esege asyp túsken.
Sonymen qatar, qalalyq jáne aýyldyq jerlerdegi tabystardyń aıtarlyqtaı dıfferentsıatsııasy saqtalýda. 2 toqsanda aýyldyq jerdegi kedeıliktiń deńgeıi qalalyq deńgeıden 2 eseden de asyp túsken.
