Aǵymdaǵy jyldyń 2 aıynda Qazaqstanda 2 500 órt oqıǵasy tirkeldi - TMJ
ASTANA. Naýryzdyń 16-sy. QazAqparat - Aǵymdaǵy jyldyń 2 aıynda respýblıkada 2 500 órt oqıǵasy tirkeldi,
dep habarlady Tótenshe jaǵdaılar mınıstrliginiń baspasóz qyzmetinen. Órt saldarynan 103 adam qaza bolyp, 127 adam jaraqat alǵan. Sondaı-aq, tilsiz jaýdyń saldarynan kelgen materıaldyq shyǵyn 622 mıllıon 520 myń teńgeni qurady.
Vedomstvonyń aqparaty boıynsha, «órt oqıǵalarynyń sany, 2009 jyldyń sáıkes kezeńimen salystyrǵanda, 21,5 paıyzǵa ósse, materıaldyq shyǵyn - 37,7 paıyzǵa, jaralanǵandardyń sany - 38 paıyzǵa, al qaza bolǵan adamdardyń sany - 53,7 paıyzǵa artyp otyr».
Sarapshylardyń aıtýynsha, «órtterdiń negizgi sebepterin toqtalsaq, 29 paıyzy nemese 717 oqıǵa - otty uqypsyz paıdalanýdan týyndasa, 28,6 paıyzy nemese 715 oqıǵaǵa - jylý peshterin paıdalanýda órt qaýipsizdigi erejeleriniń saqtalmaýy sebep bolǵan. Al taǵy 540 oqıǵaǵa (22 paıyz) - elektr jabdyqtaryn qoldaný erejelerin buzý faktileri sebep bolǵan.
Vedomstvonyń baspasóz qyzmetinen habarlaǵanyndaı, órt oqıǵalarynyń 73 paıyzy - turǵyn úı sektorynyń, 14,7 paıyzy - kólik quraldarynyń úlesine tıesili».
