Aǵymdaǵy jyldyń 11 aıynyń qorytyndysy boıynsha elimizdegi ınflıatsııa deńgeıi 7,1 paıyzdy qurady
ALMATY. 7 jeltoqsan. QazAqparat /Erbol Azanbek/ - QR Statıstıka agenttiginiń resmı málimetteri boıynsha qarasha aıynda ınflıatsııa 0,8 paıyzdy qurady, al osy jyldyń 11 aıynyń qorytyndysy boıynsha 7,1 paıyzdy
Bul týraly búgin Almatyda QR Ulttyq bankiniń tóraǵasy Grıgorıı Marchenkonyń qatysýymen ótken baspasóz máslıhatynda aıtyldy.
Qarashada azyq-túlik taýarlarynyń baǵasy - 1,2 paıyzǵa, azyq-túlik emes taýarlar - 0,6 paıyzǵa, aqyly qyzmetter 0,4 paıyzǵa ósken. Azyq-túlik taýarlary tobynda eń joǵary mólsherde, jumyrtqa - 5,4 paıyzǵa, maı ónimderi - 3,0, kókónis pen jemis - 2,5, sút ónimderi - 1,6, qant 1,5 paıyzǵa qymbattaǵan. Azyq-túlik emes taýarlarynda qatty otyn 3,3 paıyzǵa, qysymdalǵan gaz ben dızel otyny 1,3 paıyzǵa, kıim men aıaq qıim 0,6 paıyzǵa qymbattaǵan. Aqyly qyzmet kórsetý boıynsha turǵyn úı qurylysy qyzmeti 0,6 paıyzdyq ósim kórsetken. Onyń ishinde ystyq sý - 1,1, qubyr jelisi baǵasy 0,8 paıyzǵa qymbattaǵan.
Jalpy aǵymdaǵy jyldyń 11 aıynyń qorytyndysy boıynsha ınflıatsııa deńgeıi 7,1 paıyzdy quraǵan. 2009 jylǵy sáıkes merzimde 5,6 paıyz mólsherinde bolǵan edi.
