Aǵymdaǵy jyldyń 11 aıynda 24 izdeý salynǵan azamat shetelderden Qazaqstanǵa qaıtaryldy - Bas prokýratýra
ASTANA. 23 qarasha. QazAqparat /Rýslan Ǵabbasov/ - Qylmys jasap shet elderge qashyp ketken 24 azamat aǵymdaǵy jyldyń 11 aıynda Qazaqstanǵa ekstradıtsııalandy. Olardyń 9-y Ýkraına, Grýzııa, Túrkııa, Ispanııa jáne Shvetsııa sııaqty Eýropa memleketterinen qaıtaryldy.
Bul týraly búgin Astanada ótken brıfıngte Bas prokýratýranyń resmı ókili Jandos Ómirálıev aıtty.
«Máselen, azamatsha N.Shakırovany qastandyqpen óltirgen qylmysker Keles Mambetovty ekstradıtsııalaýǵa qatysty Bas prokýratýranyń saýaly Ispanııanyń memlekettik sotymen tolyq qanaǵattandyrylyp, óz qoldaýyn tapty»,-dedi resmı ókil. Sonymen qatar ol bıyl shildede Túrkııa memleketi laýazymyn teris paıdalanǵany úshin aıyptalǵan QR ІІM Esirtki bıznesine qarsy kúres komıteti tóraǵasynyń burynǵy orynbasary Asqar Isaǵalıevty qaıtarǵanyn eske salyp ótti.
«Shvetsııanyń quqyq qorǵaý organdary Stokgolm qalasynda, qaraqshylyq shabýyl jasaǵany úshin izdeý salynǵan Qazaqstannyń taǵy bir azamaty A.Yrysmetovty ustap, ekstradıtsııalaý maqsatynda qamaýǵa alyndy»,-dedi J. Ómirálıev.
Tamyz aıynda tek Ýkraınanyń ózi elimizde qylmys jasaǵany úshin izdeýde júrgen 5 qazaqstandyq azamatty qaıtarǵan.
«Eýropa elderiniń atalǵan sheshimderdi qabyldaýyna, Bas prokýratýranyń osy elderdiń quzyretti organdarymen ózara baılanysty qalyptastyrýǵa baǵyttalǵan belsendi jumysy úlken septigin tıgizdi. Qylmys jasaǵan qazaqstandyq azamattarǵa qatysty ekstradıtsııa úderisine tipti Ispanııa men Shvetsııa sııaqty memlekettermen halyqaralyq kelisimderdiń joqtyǵy da kedergi bola almady»,-dedi resı ókil.
