Aǵymdaǵy jyldyń 11 aıy ishinde halyqqa 9,6 mln elektrondyq qyzmet kórsetildi

ASTANA. 19 jeltoqsan. QazAqparat - Aǵymdaǵy jyldyń 11 aıy ishinde halyqqa 9,6 mln elektrondyq qyzmet kórsetildi.

Bul jaıynda QR Kólik jáne kommýnıkatsııa mınıstrligi taratqan aqparatta aıtylǵan.

«Elektrondyq úkimet arqyly aǵymdaǵy jyldyń 11 aıy ishinde halyqqa 9,6 mln elektrondyq qyzmet kórsetildi. Búgingi kúnge 1 mln. 258 myńnan astam  elektrondyq tsıfrlyq qoltańba berilgen bolsa, solardyń ishinde 356 myń ETsQ bıyl berilgen. 55 myńnan astam azamat elektrondyq tsıfrlyq qoltańbany ózderiniń  jańa úlgidegi jeke kýálikterine jazdyryp alǵan»,-  delingen habarlamada.

Sonymen qatar vedomstvonyń atap ótýinshe, Memleket basshysynyń tapsyrmasyn oryndaý aıasynda aǵymdaǵy jyly 80 ruqsat berý qujaty jáne áleýmettik mańyzdy memlekettik qyzmetterdiń 60 paıyzy elektrondyq nusqaǵa kóshirildi.