Aǵymdaǵy jyldyń 1-toqsanynda jańa «Jumyspen qamtý» jol kartasy baǵdarlamasy ázirlenedi - T.Dúısenova

ASTANA. QazAqparat - Aǵymdaǵy jyldyń 1-toqsanynda jańa «Jumyspen qamtý» jol kartasy baǵdarlamasy ázirlenedi. Bul týraly búgin QR Prezıdenti N.Nazarbaev «Qazaqstan jańa jahandyq naqty ahýalda: ósim, reformalar jáne damý» atty Joldaýyn jarııa etkennen keıin elimizdiń Densaýlyq saqtaý jáne áleýmettik damý mınıstri Tamara Dúısenova aıtty.

«Búgin Memleket basshysy jańa áleýmettik saıasatty jarııa etti. Bul saıasatta úsh máselege basa nazar aýdarǵan jón. Birinshisi, halyq aldyndaǵy barlyq memlekettik áleýmettik mindettemelerdi qamtamasyz etý. Bul saralanǵan túrdegi jalaqy tóleýdiń jańa júıesine kóshýge baılanysty memlekettik qyzmetkerlerdiń jalaqysyn kóterý, múmkindigi shekteýli jandarǵa áleýmettik tólemderdi, shákirtaqyny arttyrý», - dedi ol.

Mınıstrdiń aıtýynsha, Elbasy kótergen jańa áleýmettik saıasattaǵy ekinshi másele ataýly áleýmettik kómekti qamtıdy.

«Úshinshisi, ataýly áleýmettik kómek kórsetý barysyndaǵy áleýmettik ádildik. Osyǵan oraı, Memleket basshysy bergen tapsyrmaǵa sáıkes aǵymdaǵy jyldyń 1-shi toqsanynda jańa «Jumyspen qamtý» jol kartasy baǵdarlamasyn ázirleýge tıispiz», - dedi Tamara Dúısenova.