Aǵymdaǵy jyldyń 1 toqsanynda memleketke keltirilgen 31,8 mlrd. teńge shyǵyn óteldi
ASTANA. QazAqparat - Aǵymdaǵy jyldyń 1 toqsanynda memleketke keltirilgen 31,8 mlrd. teńge shyǵyn óteldi. Bul týraly búgin QR Qarjy mınıstrligi Memlekettik kirister komıtetiniń Aldyn alý jumystary jáne baqylaý basqarmasy basshysynyń orynbasary Abzal Baımanov málim etti.
«Biz úsh myńnan astam qylmystyq quqyq buzýshylyqty tergedik. Onyń ishinde ekonomıkalyq qyzmet salasyna qatysty 1816 qylmys tirkelip otyr», - dedi A.Baımanov 2016 jyldyń 1 toqsanyndaǵy ekonomıkalyq tergeý qyzmeti jumysynyń nátıjelerin jarııa ete kele.
Komıtet taratqan aqparattarǵa qaraǵanda, aıaqtalǵan qylmystyq ister boıynsha anyqtalǵan shyǵyn somasy ótken jyldyń sáıkes kezeńimen salystyrǵanda 5 ese artyp, 79,4 mlrd. teńgeni qurady. Al tyıym salynǵan múlikti qosa eseptegendegi ótelgen shyǵyn 13 eseden astamdy qurap, 2,4 mlrd. teńgeden 31,8 mlrd. teńgege deıin artty.
